12 қаңтар
Hyundai Motor компаниясының IONIQ 5 және STARIA модельдері GOOD DESIGN Awards марапатына ие болды

  • Hyundai Motor компаниясы бес түрлі санатта марапаттарға ие болды
  • Жақында ұсынылған аккумуляторлы электромобиль және минивэн модельдері «Көлік» санатында атап өтілді
  • Сыйлықтың берілуі – Hyundai дизайнының әлемдік нарықтағы бәсекеге қабілеттілігінің дәлелі

Hyundai Motor GOOD DESIGN Awards 2021 сыйлығы аясында бірнеше марапаттарға ие болды, соның ішінде IONIQ 5 және STARIA модельдерінің «Көлік» санатындағы жеңістері. Компания конкурстың басқа бағыттары бойынша атап өтілді, соның ішінде «Интерактивті медиа», «Үй шаруашылығы», «Мобильді қолданбалар» және «Графикалық дизайн».

«Осы өте маңызды автомобильдер мен инновациялар үшін GOOD DESIGN Awards сыйлығын алу біз үшін үлкен мәртебе», – деді Ли Санг Юп (Sang Yup Lee), атқарушы вице-президент және Hyundai жаһандық дизайн орталығының басшысы. – «Бұл жетістік осы жобаларға жаны мен жүрегін салған біздің зерттеулер және әзірлемелер орталығымыздың дизайнерлері мен инженерлері командасының керемет бірлескен жұмысының мойындалғанын көрсетеді, сонымен қатар Hyundai дизайнының әлемдік нарықтағы бәсекеге қабілеттілігін көрсетеді».

IONIQ 5 – аккумуляторлы электромобильдерге арналған арнайы платформада салынған Hyundai Motor орташа өлшемді кроссовері. Прогрессивті модель дизайны бүкіл әлем бойынша клиенттердің мақұлдауын алған электромобильдердің жаңа типологиясымен эксперимент жасайды. Hyundai фирмалық параметрлік пикселдер түріндегі сыртқы оптикасы автомобильге IONIQ 5 дизайнының уақытқа бағынбайтын құндылығын көрсете отырып, қайталанбас және заманауи стиль береді.

IONIQ 5 электромобилінің интерьерінің әрбір бөлшегінде «Демалыс орны» (Living Space) тұжырымдамасының тақырыбы байқалады. Оның ең жарқын көрінісі - «Әмбебап арал» (Universal Island) жылжымалы орталық консолі және аккумуляторлар орнатылған тегіс еден. Орындықтардың, төбелердің, есіктердің, едендердің және шынтақшалардың тысталуын қоса алғанда, салонның көптеген элементтерінде Hyundai-ның бүкіл адамзат үшін таза және тұрақты болашаққа деген ұмтылысын көрсететін экологиялық таза материалдар қолданылды.

Hyundai STARIA шағын автобустарының жаңа желісі ғарыш кемесіне ұқсайтын футуристік стильдегі ерекше көрінісімен ерекшеленеді. Шанақтың бүкіл ұзындығымен өтетін бірыңғай қисық сызық ғарыштан қараған кезде күннің шығуы кезінде Жердің көкжиегін жарықтандыратын жарық жолағын еске салады.

Дизайны круиздік лайнердің салонымен шабыттанған STARIA минивэнінің кең интерьерінде жолаушылардың жайлылығы мен жүргізуші үшін ыңғайлылыққа бағытталған ерекше атмосфера орнаған. Төменгі терезе сызығы және бүйірлердегі үлкен панорамалық терезелер жалпы көріністі жақсартады және ашықтық сезімін тудырады. «Ханок» деп аталатын корей архитектурасының дәстүрлі стилінен шабыт алған осы ерекшеліктің арқасында STARIA жолаушылары сыртқы әлем мен автомобиль салонының арасындағы байланысты сезіне алады.

Төменде GOOD DESIGN Awards 2021 байқауында мойындауға ие болған Hyundai Motor өнімдері мен инновациялық шешімдерінің тізімі берілген.

«Көлік» санаты

  • IONIQ 5
  • STARIA
  • E-Pit өте жылдам зарядтау станциясы

«Интерактивті медиа» санаты

  • Hyundai Aqua Design ақпараттық-ойын-сауық жүйесі
  • Hyundai электромобильдеріне арналған ақпараттық-ойын-сауық жүйесі – Jong-e
  • Hyundai N ақпараттық-ойын-сауық жүйесі

«Үй шаруашылығы» санаты

  • HTWO сутегі энергиясын өндіру жүйесі

«Мобильді қолданбалар» санаты

  • Hyundai Bluelink интерактивті қолданбасы

«Графикалық дизайн» санаты

  • Hyundai бренд-топтамасы

2021 жылы GOOD DESIGN Awards әлемдегі ең көне дизайн жарыстарының бірі ретінде 71 жылдығын атап өтеді. Жыл сайын сыйлық әлемдік нарықта инновациялар мен перспективалы өнімдерді дамытудың жаңа бағыттарын белгілейтін ең жақсы графикалық және дизайн шешімдерін таңдайды. GOOD DESIGN Awards конкурсы туралы толық ақпарат сыйлықтың ресми сайтында қолжетімді.